Introdiksion

Introdiksion (pou kifer)

Laperfeksion se rezon mem ou lexistans. Ou lavi toulezour li ranpli avek bann swa. Ou vreman lib, kan ou kapav fer bann swa par oumem, par kont ou dan grif demon kan ou les laper gid ou. Ou destin se vinn pli meyer posib, se koumsa ki ou vinn oumem, ou fer ou plas, ou realiz ou destin, ou donn valer ou lavi e ki ou pou ere.

Lil Moris li posed enn later bien fertil. Dan nou sousol nou kone ena bokou ros, ena ousi delo, me zame personn pa finn dekouver ni lor, ni diaman, ni sarbon, ni petrol, ni enn sel metal de valer. Nou rises se nou later e nou dimounn.

Enn fwa enn kikenn ti dir mwa fode trouv enn lagren mazik ki pous, alafwa dan later e dan dimounn. Kan mo dir dan dimounn, mo le dir dan so leker e dan so lespri. Enn zafer ki pou transform li pozitivman, sanz so mantalite fer li vinn konpletman imen, depi so bren seve ziska so pous lipie.

Semer ki pou resi trouv sa lagren-la, bizen donn li bel felisitasion. Lagren-la, posib li pa pou resanble okenn lagren ki nou kone, so form kitfwa pou kare, triang ou zetwal… nou pa kone ? So natir kitfwa pou invizib. Kitfwa li pou pli lour ki diksioner oubien li pou pli piti ki lagren tokmarya. Me kan ou plant li, zarb ki monte la, li pli inpresionan ki pie lafous ou pie flanbwayan, so fri pou pli garni ki pie letsi dan lagrann sezon. Kan ou manz so fri sa pou koup ou lafen ek ou laswaf. Ou pou gagn lasante, labondans, ou pou konn laliberte, lazwa ek bienet. Sa pou met saler dan leker e lerla dan ou lizie pou ena soley, ou linz pou vinn briyan kouma bann vedet. Dan ou lavi pou ena boner e ou pou anvole kouma anz dan paradi.

Semer-la limem, kitfwa li pa pou diferan ek ninport ki sannla, posib li parey ou ek mwa me seki sir, seki so lame li spesial e so leker li enn lot kalite. Li gagn enn lot mantalite, dan limem ena enn lasours.

Semer-la finn trouv so travay vinn enn nesesite, parski sosiete finn perdi reper ; lemal ek lakoripsion finn vinn bann zafer normal. Violans pe vinn banal. Finn ena enn dezekilib total dan lasosiete. Seki ena ape gagn tro boukou, seki pena pe gagn kraze. Seki pli feb pe tro soufer. Finn ena degradasion bann valer moral. Sosiete pe al a laderiv, limem li bizen enn bon terapi. Tro bokou pe dezespere. Bizen refer lekilib avan ki volkan eklate. Pou sa arive, bien bizen enn sanzman mantalite.

Semer-la ti oblize bouze, sorti anba so latant pou fann so premie semans, pou redonn lespwar seki dan nwar, aport kouraz tou seki pe nek trouv baraz, pou fer tann lavwa ki sorti dan so leker.

< Bizen seme depi zordi mem, pou ki nou zanfan kapav rekolte demen >

 Lansegnman valer moral, si zame li pe fer, li pe rant dan enn zorey li pe sorti par lot.

Tout sort magouy nou pe zistifie, parski nou le gagn plis… nou le pli gro… tou pou mwa, mwa ki bon, mwa ki merite… lezot, ramas lapousier… lezot, pa mo problem… parski zot pa mo bann… me enn kestion fondamantal poze… e si lezot ek mwa, nou tou enn sel an realite?

Zour mo finn dekouver ki mo ena sa semans-la dan mo lame, mo ti ena de posibilite, swa mo gard li zis pou mo tousel e mor avek li, swa mo plant li partou pou ki li miltiplie. Mo finn pran desizion plant li, pou ki tou dimounn profit so fri, azordi e dan bann zenerasion avenir.

Semer-la so travay inn fini komanse, e tank soley lor so latet, tank lasante pou permet, li pou kontinie seme.

Introduction (pourquoi)

La perfection c’est la raison même de votre existence. Votre vie est tous les jours rempli avec des choix à faire, vous êtes vraiment libre lorsque vous êtes capable de faire des choix par vous-mêmes, par contre vous êtes dans les griffes du démon quand vous laissez la peur vous guider. Votre destin c’est d’être le meilleur possible, c’est de cette façon que vous devenez vous-même, que vous préparez votre place, réalisez votre destin, donnez de la valeur à votre vie et que vous serez heureux.

L’île Maurice possède une terre bien fertile. Dans notre sous-sol nous savons qu’il y a beaucoup de pierres, on y trouve aussi de l’eau mais personne n’a encore découvert ni or, ni diamant, ni charbon, ni pétrole ou encore un seul métal de valeur. Notre richesse c’est notre terre et notre population.

Quelqu'un m’a dit une fois qu’il faudrait trouver un grain magique qui pousse à la fois dans la terre et dans la personne. Lorsque je dis dans la personne, je veux dire dans son cœur et dans son esprit. Quelque chose qui va la transformer positivement, qui va changer sa mentalité et la faire devenir complètement humaine de la tête aux pieds.

Le semeur qui réussira à trouver ce grain, il faudra le féliciter chaleureusement. Ce grain possiblement ne ressemblera à aucun grain que nous connaissons, peut-être que sa forme sera carrée, triangulaire, ou en étoile, on n’en sait rien ? Sa nature sera peut être invisible. Peut-être que ce grain sera plus lourd qu’un dictionnaire ou bien plus petit qu’un grain de ‘tokmaria’. Mais quand vous le mettrez en terre, l’arbre que vous verrez grandir sera plus impressionnant que le multipliant ou le flamboyant. Son fruit sera plus abondant que l’arbre du letchi dans la bonne saison. Quand vous mangez de son fruit, vous n’aurez plus ni faim ni soif. Vous aurez la santé, l’abondance, vous allez connaître la liberté, la joie et le bien-être. Ça vous réchauffera le cœur et à ce moment la, vous aurez du soleil dans les yeux, votre vêtement deviendra brillant comme celui des vedettes. Vous aurez le bonheur et vous serez leger tel un ange au paradis.

Le semeur lui-même, peut-être qu’il ne sera pas plus différent que n’importe qui, possiblement qu’il sera comme vous et moi, mais ce qui est sûr c’est qu’il a une main spéciale et un cœur tout à fait différent. Il possède une autre mentalité, en lui-même se trouve une source.

Le semeur s’est rendu compte que son travail est devenu une nécessité  puisque la société a perdu ses repères. Le mal et la corruption sont devenus des choses normales. La violence est en train de devenir une chose banale. Il y a un déséquilibre total dans la société. Ceux qui sont riches deviennent trop riches, ceux qui sont pauvres sont piétinés. Les plus faibles souffrent trop. Il y a aussi une dégradation des valeurs morales. La société elle-même a besoin d’une bonne thérapie car elle part à la dérive. Il y en a trop qui désespèrent. Il faut rétablir l’équilibre avant que le volcan n’éclate. Pour refaire cet équilibre, il faut absolument un changement de mentalité.

Le semeur a été obligé de se remuer, de sortir de sa tente pour semer, pour redonner de l’espoir à ceux qui sont dans le noir, apporter du courage à ceux qui ne trouvent pas un chemin de sortie afin de faire entendre sa voix.

< Il faut semer dès aujourd’hui, pour que demain nos enfants puissent récolter >

 L’enseignement des valeurs morales si jamais c’est fait, ça rentre dans une oreille et sort par l’autre.

Nous sommes en train de justifier toute sorte de magouille parce que nous voulons avoir plus… nous voulons le plus gros morceau… tout pour moi… c’est moi le meilleur… car c’est moi qui ai le plus de mérite… les autres qu’ils ramassent les miettes... les autres c’est pas mon problème… parce qu’ils ne sont pas du même groupe que moi… mais une question fondamentale reste posée…  et si les autres et moi, nous faisions tous partie d’un seul ensemble en réalité ?

Le jour ou j’ai découvert que j’avais cette semence dans le creux de la main, j’avais deux possibilités, soit de la garder rien que pour moi et mourir avec, soit de la mettre en terre afin qu’elle puisse pousser partout. J’ai pris la décision de la planter afin que tout le monde profite de son fruit - aujourd’hui et dans les générations à venir.

Le travail du semeur a déjà commencé et tant que le soleil brillera, tant que son état de santé le permettra, il continuera à semer.

                                                                                    Amitiés,

                                                                                                            Hervé Hector